Fréttir

Vinsældir vélknúinna hlaupahjóla hafa aukist að undanförnu hér á landi. Vélknúin hlaupahjól (oft kölluð rafhlaupahjól, rafmagnshlaupahjól, rafskútur) tilheyra flokki reiðhjóla og eru hönnuð til aksturs á hraða frá 6 km á klst. upp í 25 km á klst.

Nú þegar sól er farin að hækka á lofti og farfuglarnir byrjaðir að streyma til landsins er ekki óvitlaust að dusta rykið af gönguskónum og pumpa lofti í dekk hjólhestanna. Það vita það allir að það er meinhollt að hreyfa sig daglega...

Nú þegar skólalífið færist smátt og smátt aftur í eðlilegt horf eru næstu skref að félagslíf nemenda geri það einnig. Í gærkvöldi stóð NFS fyrir vel heppnuðu skemmtikvöldi fyrir nemendur og má með sanni segja að félagslífsþyrstir nemendur...

Starfsfólk FS tók þátt í Lífshlaupinu sem var haldið í febrúar. Samhliða var haldin innanhússkeppni á milli starfsmannahópa og skapaðist mikil stemmning í starfsmannahópnum. Veitt voru verðlaun í fimm flokkum og stigahæsta liðið hlaut að lokum "Lífsskóinn" sem er farandgripur.

Nemandafélag Fjölbrautaskóla Suðurnesja stóð fyrir góðgerðarviku í vikunni sem er að líða. Markmið söfnunarinnar var að safna peningum fyrir félagsmann sem greindist með krabbamein. Söfnuninn fór fram úr öllum væntingum og safnaðist hvorki meira né minna en 611.471 kr.

Valtímabilið er hafið og stendur frá 4. - 19. mars. Nemendur sem geta valið sjálfir í INNU eru hvattir til að gera það. Allar upplýsingar um valið má finna á heimasíðunni undir Önnin. Ykkur er einnig velkomið að hafa samband við skólann ef eitthvað er óljóst.

Þriðjudaginn 3. mars hélt skólinn kynningu fyrir 10. bekkinga og forráðamenn þeirra. Kynnt var námsframboð skólans sem er mjög fjölbreytt auk þess sem gestir gátu farið í skoðunarferðir um skólann með leiðsögn.

Þriðjudaginn 2. mars næstkomandi verður opið hús í FS fyrir 10. bekkinga og forráðamenn þeirra. Húsið opnar kl. 17 og verður námsframboð skólans kynnt. Hægt verður að ræða við námsráðgjafa, kennara, stjórnendur sem og fulltrúa frá nemendafélaginu.

Frá og með mánudeginum 22. febrúar, verða allir áfangar kenndir í staðkennslu (þ.e. í skólanum) samkvæmt stundatöflu. ATH. enn eru þó sömu fjöldatakmarkanir í almenn rými og kennslustofur, þ.e. 30 manns. Eins er grímuskylda þar sem ekki er hægt að framfylgja 2. metra reglunni.

Vegna rýrrar nýtingar falla opnir tímar niður hjá sálfræðiþjónustu FS frá og með 16.febrúar. Í staðinn eru nemendur og starfsfólk hvatt til að hafa samband við sálfræðinga þjónustunnar með því að senda beiðni í gegnum heimasíðu skólans eða senda póst á netfangið fssal@reykjanesbaer.is