Mat á skólastarfi

• Samkvæmt gildandi lögum um framhaldsskóla ber öllum framhaldsskólum á landinu að meta skólastarfið reglulega, þar á meðal kennslu- og stjórnunarhætti, samskipti innan skólans og tengsl við aðila utan skólans. Á fimm ára fresti er síðan gerð úttekt á sjálfsmatsaðferðum skólanna.
• Árið 1998 var stofnuð formleg matsnefnd í Fjölbrautaskóla Suðurnesja og sjálfsmatskerfi skólans var þróað af henni. Í núverandi nefnd sitja Garðar Þór Garðarsson, Hulda Egilsdóttir, Inga Lilja Eiríksdóttir, Íris Lind Björnsdóttir, Margrét Alda Sigurvinsdóttir og Guðmundur Grétar Karlsson aðstoðarskólameistari. Í skólanámskrá hafa verið sett fram markmið og er reglulega kannað hvort þau hafi náðst.
• Á hverri önn eru ólíkir þættir skólastarfsins metnir en kennslumat fer þó alltaf fram þar sem kennsla um fjórðungs kennara er metin í hvert skipti. Starfsmannaviðtöl viðkomandi kennara og skólastjórnenda fara fram í kjölfar kennslumatsins.
• Haustið 2022 gerði menntamálaráðuneytið síðast úttekt á sjálfsmatsaðferðum FS og uppfyllir skólinn bæði viðmið ráðuneytisins um sjálfsmatsaðferðir og um framkvæmd sjálfsmats.
• Skýrsla Matsnefndar 2023-2024

Hér fyrir neðan má sjá þá þætti skólastarfsins sem metnir eru reglulega.