Sýning útskriftarnemenda af listnámsbraut

Nú stendur yfir barna og ungmennahátíð í Duushúsum Reykjanesbæ. Útskriftarnemar á listnámsbraut í FS taka þátt og er sýning á verkum þeirra er í Bíósalnum.

Sýningin var opnuð fimmtudaginn 28. apríl og var fjölmenni við opnunina. Guðlaug María Lewis, menningarfulltrúi Reykjanesbæjar, flutti ávarp. Þorsteinn Helgi Kristjánsson, nemandi okkar, lék á gítar sem er eitt verkið á sýningunni en Hafrún Júlía Högnadóttir málaði gítarinn.

Sýningin verður opin í Duushúsum til 15. maí og er opið kl. 12:00-17:00. Við hvetjum fólk til að skoða þessa skemmtilegu sýningu.

Á myndinni hér til hliðar má sjá útskriftarnemendurna ásamt kennara sínum, Írisi Jónsdóttur.

Eftirtaldir nemendur eiga verk á sýningunni:

• Birgir Örn Guðsveinsson - Vélmaðurinn
• Daníel Már Daníelsson - Celador
• Eir Ósk Jóhannsdóttir - Trauma
• Eygló Ósp Pálsdóttir - Upplifanir
• Hafrún Júlía Högnadóttir - Tónar
• Halldóra Sif Jónsdóttir - Fegurð kvenlíkamans
• Stefanía Sóley Steinarsdóttir - Æskusögur
• Tinna Torfadóttir - Sorgarferli