VOHR2VF05 - Vöðva- og hreyfifræði 1

Lýsing

Í þessum áfanga er farið í heiti og hlutverk vöðva, liða, liðbanda, sina og beina. Farið verður yfir uppbyggingu beinagrindar, tegundir liða og áhersla á upptök og festur vöðva. Fjallað verður um samstarf vöðva og liðamóta við framkvæmd hreyfinga. Fjallað verður um skurði, helstu áttar- og hreyfihugtök og snúningsöxla og notkun þeirra í hreyfingu.

Nemandi skal hafa öðlast þekkingu og skilning á:

• upptökum og festum beinagrindarvöðva, heiti þeirra og virkni um liðamót
• uppbyggingu og virkni liða líkamans
• heiti beina og staðsetningu þeirra í beinagrind og tengingu við upptök og festur vöðva
• uppbyggingu líkamans og áhrif á líkamsstöðu og hreyfingu
• áttar- og hreyfihugtökum

Nemandi skal hafa öðlast leikni í að:

• miðla upplýsingum um staðsetningu, upptök, festu og virkni beinagrindarvöðva til skjólstæðinga
• framkvæma grunnlíkamsstöðugreiningu og tengja hana við vöðva líkamans
• miðla upplýsingum um starf liða og beina

Nemandi skal geta hagnýtt þá almennu þekkingu og leikni sem hann hefur aflað sér til að:

• útskýra fyrir skjólstæðingum sínum starf vöðva í hreyfingum
• tengja saman starf vöðva og hreyfingu liða
• útskýra fyrir skjólstæðingum heiti beina og uppbyggingu beinagrindar
• afla sér frekari upplýsinga um starfsemi stoðkerfisins