VINN3GH08 - Verknám á sérdeildum

Lýsing

Vinnustaðanámið/verknámið fer fram á sérdeildum s.s. gjörgæsludeildum, kvennadeild, endurhæfingardeildum, líknardeildum, geðdeildum eða heilsugælustöðvum og í heimahjúkrun. Kennari áfangans, sjúkraliði/leiðbeinandi og deildarstjóri bera sameiginlega ábyrgð á verklegu námi sjúkraliðanema. Nemandinn skal skipuleggja hjúkrunarstörf sín í samvinnu við leiðbeinanda og geta yfirfært bóklega þekkingu á hjúkrunarviðfangsefni sem hann vinnur við á deildinni. Nemandinn skal fá þjálfun í því að vinna sjálfstætt, sýna frumkvæði og forgangsraða verkefnum sínum með þarfir skjólstæðinga að leiðarljósi. Nemandinn fylgir leiðbeinanda við öll almenn störf sjúkraliða. Í upphafi tímabils setur nemandinn sér persónuleg og fagleg markmið um verknámið. Á meðan á verknámi stendur skal nemandinn fylla út gátlista og ferilbók um unna verkþætti. 

Nemandi skal hafa öðlast þekkingu og skilning á:

• mikilvægi heildrænnar hjúkrunar
• helstu þáttum sem hafa áhrif á heilsu og lífsgæði skjólstæðinga
• helstu hjálpartækjum sem notuð eru í hjúkrunarstörfum
• faglegri umhyggju og samskiptum í hjúkrunarstörfum
• mikilvægi eftirlits og mats á líkamlegu og andlegu ástandi skjólstæðinga
• mælitækjum og öðrum hjúkrunargögnum sem notuð eru
• sjálfsákvörðunarrétti og réttindum sjúklinga samkvæmt lögum
• mikilvægi forgangsröðunar í hjúkrunarstörfum

Nemandi skal hafa öðlast leikni í að:

• sýna skjólstæðingum og aðstandendum virðingu og faglega umhyggju
• nota helstu hjálpartæki og hjúkrunargögn á viðeigandi hátt
• taka þátt í þverfaglegri samvinnu heilbrigðisstétta
• sýna frumkvæði og forgangsraða eigin störfum
• skrá og vinna samkvæmt hjúkrunarferli

Nemandi skal geta hagnýtt þá almennu þekkingu og leikni sem hann hefur aflað sér til að:

• velja viðeigandi hjúkrunarmeðferð hverju sinni og geta rökstutt hana
• virða og rökstyðja mikilvægi þagnarskyldu og mikilvægi trúnaðar
• sýna hæfni í samskiptum og samstarfi við skjólstæðinga, aðstandendur þeirra og samstarfsfólk
• leggja sitt að mörkum í þverfaglegri samvinnu
• hjúkra sjúklingum við margbreytilegar aðstæður
• útskýra mikilvægi þagnarskyldu og réttindi sjúklinga