ÚTIV1RK02 - Útivist - Rötun, ferðaskipulag, kortalestur

Undanfari : Enginn
Í boði : Alltaf

Lýsing

Markmiðið er að kynna þá náttúru og sögu sem Reykjanesið hefur uppá að bjóða. Stuttir fyrirlestrar þar sem farið verður yfir útbúnað í gönguferðum og á fjöllum, öryggisatriði í gönguferðum s.s. kennsla á áttavita/gps tæki og að lesa úr kortum og umgengni um náttúruna. Farið verður í fimm göngur á Reykjanesskaganum. Göngurnar eru mis langar og verða farnar á föstudögum eftir að kennslu lýkur eða á laugardögum. Til þess að standast áfangann þarf að mæta í 4-5 i göngur og skila göngudagbók eftir hverja ferð.

Nemandi skal hafa öðlast þekkingu og skilning á:

  • klæðnaði sem hentar til útivistar í íslenskri veðráttu
  • öryggisatriðum í sambandi við fjallgöngur s.s. veðurspá, virkni áttavita og GPS tækja
  • gönguleiðum á Reykjanesskaganum

Nemandi skal hafa öðlast leikni í að:

  • glíma við útiveru við mismunandi aðstæður
  • takast á við aðstæður sem reyna á þol og styrk
  • vinna saman, vera hvetjandi og sýna tillitssemi gagnvart öðrum göngufélögum
  • geta nýtt sér áttavita, kort og gps tæki

Nemandi skal geta hagnýtt þá almennu þekkingu og leikni sem hann hefur aflað sér til að:

  • meta eigið þol og styrk með tilliti til gangna
  • nota útivist sér til ánægju og heilsubótar
  • taka þátt í göngum og útivist við mismunandi aðstæður og veðurfar
  • útbúa sig varðandi nesti, klæðnað og annan útbúnað fyrir dags gönguferðir