UPPE3MU05 - Uppeldisfræði - Uppeldisfræði 2

Lýsing

Ýmsir áhrifaþættir í uppeldi verða til umfjöllunar, aðstæður íslenskra barna verða skoðaðar og hvaða úrræði standa þeim til boða sem á þurfa að halda. Fjallað verður um barnalög og barnavernd, ofbeldi og vanrækslu gagnvart börnum, uppeldi barna, svefn barna, ýmsar breytingar og álag í lífi barna og hvaða áhrif þær hafa. Sköpunargleðin fær að njóta sín sem og gagnrýnin hugsun. Kröfur eru gerðar í símatsáfanga um virkni nemenda í umræðum og verkefnavinnu.

Nemandi skal hafa öðlast þekkingu og skilning á:

• lögum og úrræðum í boði fyrir börn
• áhrifum ofbeldis og vanrækslu á börn
• algengum uppeldisaðferðum
• jákvæðum aga
• svefni barna
• þáttum sem hafa áhrif á álag í lífi barna

Nemandi skal hafa öðlast leikni í að:

• vinna sjálfstætt og með öðrum
• beita mismunandi aðferðum við að koma þekkingu sinni á framfæri
• meta heimildir og nota þær markvisst

Nemandi skal geta hagnýtt þá þekkingu og leikni sem hann hefur aflað sér til að:

• tjá sig skipulega í ræðu og riti og taka þátt í umræðum um uppeldisfræði
• geta nýtt sér bæði íslenskar og erlendar heimildir og nota þær á réttan hátt
• ástunda viðurkennd vinnubrögð og taka ábyrgð á vinnu sinni