UPFH2BÓ03 - Upplýsingaleit og fagmál heilbrigðisstétta

Lýsing

Nemendur kynnast fjölbreyttum möguleikum til upplýsingaöflunar, s.s. gagnasöfnum sem helst þjóna heilbrigðisstéttum, rafrænum gagnasöfnum og tímaritum á heilbrigðissviði. Áhersla er lögð á að nemandi kynnist fagmáli heilbrigðisstétta og öðlist góðan faglegan orðaforða.

Nemandi skal hafa öðlast þekkingu og skilning á:

• fagmáli heilbrigðisstétta.
• algengustu fagorðum sem notuð eru á hans sérsviði.
• upplýsingakerfum og vefsíðum bókasafna og stofnana á heilbrigðissviði.
• landsaðgangi Íslands að gagnasöfnum og rafrænum tímaritum.
• rafrænum gagnasöfnum og tímaritum á heilbrigðissviði.
• höfundarétti.

Nemandi skal hafa öðlast leikni í að:

• afla fræðilegra upplýsinga sem varða hans svið eftir fjölbreyttum leiðum.
• nýta fjölbreytta möguleika til upplýsingaöflunar á heilbrigðissviði í gegnum vefinn.
• meta upplýsingagildi og áreiðanleika upplýsinga.
• leita að helstu fagorðum á hans sérsviði.

Nemandi skal geta hagnýtt þá almennu þekkingu og leikni sem hann hefur aflað sér til að:

• skilja fagmál heilbrigðisstétta.
• útbúa fræðslu- og kynningarefni fyrir sjúkling sem hefur tiltekna tegund fótameina.
• nota fjölbreyttar aðferðir við að leita sér fræðilegra upplýsinga sem varða hans sérsvið.
• útbúa og leggja fram fræðslu- og kynningarefni.