STÆR3DF05 - Stærðfræði - Föll og diffrun

Undanfari : STÆR2VH05
Í boði : Alltaf

Lýsing

Meginefni áfangans eru: föll, markgildi, diffurreikningur og kynning á diffrun. Efnisþættir sem teknir verða fyrir í áfanganum eru: föll: Veldisföll, vísisföll, lograföll, andhverf föll, samsett föll, eintæk, átæk og gagntæk föll. Markgildi og diffrun og skilgreining á afleiðu falls. Diffrun veldis- vísis-, logra- og hornafalla. Reiknireglur fyrir diffrun margfeldis, ræðra falla og samsettra falla. Aðfellur. Hagnýting diffrunar við könnun falla, s.s. að finna staðbundin hágildi og lággildi, einhallabil, beygjuskil og jöfnu snertils. Gröf falla

Nemandi skal hafa öðlast þekkingu og skilning á:

  • föllum: veldisföllum, vísisföllum, lograföllum og hornaföllum
  • ýmsum formúlum og sönnunum þeirra
  • markgildum og skilgreiningu þeirra
  • diffrun

Nemandi skal hafa öðlast leikni í að:

  • finna skilgreiningar og myndmengi falla, fastapunkta og fallgildi
  • vinna með vísis- og lograföll með mismunandi grunntölum
  • finna andhverfur falla og að skeyta saman föllum
  • nota markgildi og skilgreiningu á afleiðu falls
  • diffra veldisföll, vísisföll, lograföll og hornaföll, og nota reiknireglur fyrir diffrun margfeldis, ræðra falla og samsettra falla
  • nota diffurreikning við könnun falla, einkum að finna staðbundin útgildi, einhallabil, beygjuskil, jöfnu snertils, aðfellur og að teikna gröf falla

Nemandi skal geta hagnýtt þá almennu þekkingu og leikni sem hann hefur aflað sér til að:

  • skilja merkingu og tengsl hugtaka í námsefninu og vinna með þau
  • velja þær aðferðir sem við eiga hverju sinni til að leysa verkefni og beita þeim rétt
  • skrá lausnir sínar skipulega og útskýra þær skilmerkilega fyrir öðrum
  • fylgja og skilja röksemdafærslu í mæltu máli og í texta
  • leysa margvísleg viðfangsefni í öðrum námsgreinum og daglegu lífi
  • kunna að sanna ákveðnar reglur og vinna með mismunandi útfærslur reglna