STÆR3ÁT05 - Stærðfræði - Tilgátur og tölfræði

Undanfari : STÆR2TL05
Í boði : Alltaf

Lýsing

Unnið með lýsandi- og ályktunartölfræði, s.s. töluleg gögn og myndræna framsetningu, einkennistölur fyrir gagnasöfn og dreifingu. Normaldreifing, t-dreifing og kí- kvaðrat. Áhersla lögð á sjálfstæð vinnubrögð og lausnir verkefna með aðstoð vasareikna og reikniforrita

Nemandi skal hafa öðlast þekkingu og skilning á:

  • algengustu líkindadreifingum
  • grunnatriðum úrtaksfræða
  • hugtökum svo sem öryggisbil, öryggismörk, skekkjumörk, öryggisstig, Z-stig, t-stig og kí-kvaðrat
  • fylgni
  • tilgátuprófunum
  • notkun vasareikna og reikniforrita við útreikninga

Nemandi skal hafa öðlast leikni í að:

  • nota úrtaksdreifingu við framsetningu tölfræðilegra ályktana
  • setja fram tilgátu og gera á henni viðeigandi tölfræðileg próf
  • reikna út fylgni milli tveggja breyta og túlka niðurstöður
  • nýta reikniforrit við gagnavinnslu, prófanir og ályktanir

Nemandi skal geta hagnýtt þá almennu þekkingu og leikni sem hann hefur aflað sér til að:

  • skilja merkingu og tengsl hugtaka í námsefninu og vinna með þau
  • beita aðferðum tölfræðinnar á skipulegan hátt við lausn viðfangsefna og þrauta
  • geta útskýrt hugmyndir innan námsefnisins skilmerkilega og skipst á skoðunum um þær
  • leggja mat á tölfræðigögn og átta sig á muninum á fylgni og orsakasamhengi
  • skilja röksemdir og framsetningu tölfræðinnar á almennum vettvangi á fræðilegan hátt, bæði í rituðu máli og myndrænt