STÆR1FA05 - Stærðfræði - Fornám A

Lýsing

Talnareikningur: Unnið með talnaskilning og undirstöðuatriði í almennum reikningi.

Prósentureikningur og hlutföll: Unnið með hugtakið prósenta og léttur prósentureikningur æfður.

Tölfræði: Unnið með talnasöfn, töflur og myndrit.

Nemandi skal hafa öðlast þekkingu og skilning á:

• samlagningu, frádrætti, margföldun og deilingu heilla talna og almennra brota
• talnakerfinu, notkun sviga og röð aðgerða
• námundun
• að prósenta er hluti af hundraði
• einföldum prósentureikningi
• tölfræði

Nemandi skal hafa öðlast leikni í að:

• reikna í huganum
• reikna dæmi með svigum og nota reglur um röð aðgerða
• beita helstu aðgerðum á heilar tölur og brot
• finna hluta, heild og prósentu
• hækka og lækka tölu um ákveðna prósentu
• vinna með talnasöfn, töflur og myndrit

Nemandi skal geta hagnýtt þá þekkingu og leikni sem hann hefur aflað sér til að:

• skrá lausnir sínar skipulega.
• skiptast á skoðunum við aðra um lausnir sínar og útskýra hugmyndir sínar og verk
• átta sig á tengslum ólíkra aðferða við framsetningu stærðfræðilegra hugmynda og viðfangsefna
• skilja merkingu og tengsl hugtaka í námsefninu til notkunar í áframhaldandi námi
• takast á við stærðfræðileg verkefni í daglegu lífi með opnum og jákvæðum huga