SMÍÐ1VB04(BV) - Málmsmíðar 2 - Handavinna, framhald

Lýsing

Nemendur skulu öðlast þjálfun í notkun og meðferð verkstæðisvéla, svo sem borvéla, fræsivéla ,hefils og tækja til plötuvinnu ásamt þekkingu og færni til að beita spónskurðartækjum. Þeir öðlist einnig þekkingu á efnisfræði málma og færni til að velja málma eða málmblöndur til að nota hverju sinni. Nemendur þekki grundvallar atriði við formun málma og varmameðhöndlun á stáli ásamt einkennum málmþreytu. Nemendur skulu þekkja til helstu plastefna sem notuð eru í málmiðnaði. Farið verður yfir öryggisatriði við vélavinnu. Einn bóklegur tími er í viku.

Nemandi skal hafa öðlast þekkingu og skilning á:

• notkun helstu spónskurðartækja og tilheyrandi öryggisbúnaði
• skilgreiningum á mismunandi tegundum málma
• uppbyggingu stáls og vinnsluhæfi, helstu hersluaðferðum þess, skilyrðum og stöðlum
• kostum og göllum áls og ryðfrýs stáls
• málmþreytu og mismunandi eiginleikum gagnvart henni
• aðferðum við að ákvarða og mæla herslu á boltum og aðferðum og tækjum til að losa brotna bolta
• plastefnum sem notuð eru í málmiðnaði, og eiginleikum þeirra

Nemandi skal hafa öðlast leikni í að:

• beita helstu spónskurðartækjum af þekkingu, nákvæmni og öryggi
• lesa fagteikningar og smíða samkvæmt þeim
• nota töflubækur til að afla upplýsinga til herslu á boltum ásamt öðrum upplýsingum
• losa og fjarlægja slitin boltabrot
• vinna með plastefni

Nemandi skal geta hagnýtt þá þekkingu og leikni sem hann hefur aflað sér til að:

• smíða flókna hluti úr málmi þar sem mikillar nákvæmni er krafist
• leggja mat á búnað sem þarf til smíðavinnu
• leggja mat á málvik
• vinna eftir stöðlum