RENN2VB03(AV) - Rennismíði 1

Lýsing

Í áfanganum öðlast nemendur þekkingu á uppbyggingu og virkni mismunandi rennibekkja Farið er yfir öryggismál, frágang umgengni um rennibekki, ásamt hættum. Áhersla er lögð á, notkun mismunandi skurðarhraða/val á rennistálum og slípun rennistála/ skurðarefni/ og lesa teikningar og kunna skil á helstu merkingum sem eru notaðar á teikningum læra aðferð við snittun í rennibekk. Grunnatriði/undanfari áfangans/áður en rennismíði hefst er að nemandi hafi tileinkað sér nákvæmni í mælinum með rennimáli og mikrómæli og kunni fullkomlega á mælitækin. 

Nemandi skal hafa öðlast þekkingu og skilning á:

• hættum sem stafa af notkun rennibekkja
• helstu renniaðferðum, plana, gatrennsli og renna gráður
• neminn skal læra að beita mælitækjum svo sem rennimáli, míkrómetra fótpassa og krumpassa (föleir) kastmæli, skrúfuteljara, bugmál og gráðuboga. og geti notað almennan uppspennibúnað og slípað rennistál við lausn verkefna
• neminn skal einnig læra hvernig leita á í töflum til að finna hvernig á að undirbúa sig fyrir hin ýmsu renni og fræsi verkefni
• nemandinn þarf að hafa fullkomið vald á öryggismálum og umhirðu spóntökuvélar

Nemandi skal hafa öðlast leikni í að:

• beita helstu renniaðferðum á rennibekk við einfalda vinnu og tileinkað sér snyrtimennsku og nákvæmni sem verður vera 100% til staðar í rennivinnu
• kunna fullkomlega á rennimál og míkrómæli
• nemanum sé ljós nákvæmni mælitækjanna, notkunarsvið og geri sér grein fyrir áhrifum hitastigs á mælingar
• neminn hafi öðlast færni í að leysa einföld verkefni í rennibekk með innan við 0,1 mm málvik

Nemandi skal geta hagnýtt þá þekkingu og leikni sem hann hefur aflað sér til að:

• markmiðið er að neminn kunni skil á vinnsluhætti rennibekkja ásamt hefil og fræsivéla
• geti valið réttan hjálpar og uppspennibúnað
• fundið réttan snúningshraða og skerhraða fyrir mismunandi verkefni
• metið gildi horna skerverkfæra fyrir rennsli mismunandi efna
• geta skorið gengjur í rennibekk
• einnig geti hann heflað innan í kílspor í hjólnaf eða tengi og fellt kíl í það ásamt að renna fræsa kílspor í öxul felldur kíll í það svo að það passi í nafið