RAMV2VB04(DV) - Rafmagnsfræði 4 - Vélstjórn

Lýsing

Nemendur öðlast djúpan skilning á eðli riðstraums og þeim lögmálum og hugtökum sem þar eiga við. Þeir læra að nota vektoramyndir og stærðfræðilega útreikninga til að öðlast skilning á orsökum og áhrifum fasviks í einfasa og þriggja fasa riðstraumsrásum. Ennfremur öðlast nemendur leikni í notkun vektoramynda við útreikninga RLC rása.

Nemandi skal hafa öðlast þekkingu og skilning á:

• grundvallarhugtökum riðstraums-fræðinnar
• fasviki í riðstraumsrásum og orsökum þess
• notkun vektora við að ákvarða stærðir í riðstraumsrásum
• notkun hornafalla í stærðfræði til að reikna út stærðir í vektoramyndum
• aðferðum við að leiðrétta fasvik í riðstraumsrásum
• skiptingu rafafls í raun-, laun- og sýndarafl
• RLC rafrásum og einföldum raforkukerfum skipa

Nemandi skal hafa öðlast leikni í að:

• gera vektoramyndir og útreikninga á einfasa riðstraumsrásum með blönduðu álagi
• gera útreikninga á þriggja fasa riðstraumsrásum með og án fasviks

Nemandi skal geta hagnýtt þá þekkingu og leikni sem hann hefur aflað sér til að:

• átta sig á raforkukerfum skipa og annast rekstur þeirra
• útskýra orsakir og áhrif fasviks í riðstraumsrásum
• leiðrétta fasvik í raforkukerfum
• skýra með vektoramyndum og stærðfræðilegum útreikningum áhrif fasviks í riðstraumsrásum