RAFM3RF05 - Rafmagnsfræði 6

Lýsing

Í þessum áfanga er fjallað um skipulag raforkukerfa, þ.e. framleiðslu, flutning og dreifingu og fjallað um uppbyggingu mismunandi raforkudreifikerfa m.a. með tilliti til öryggisráðstafana. Farið er í uppbyggingu helstu lágspennudreifikerfa hér á landi og gerð jafngildismynd af hverjum flokki. Farið er yfir vektormyndir lágspennudreifikerfa og merkingar slíkra kerfa samkvæmt stöðlum (CENELEC). Fjallað er um spennufall og afltap í lágspennudreifikerfum og helsta varnarbúnað og virkni hans. Einnig er fjallað um mismunandi álag í fjölfasakerfum, mikilvægi álagsjöfnunar og áhrif mismunandi álags í fjölfasa lágspennudreifikerfum. Þá er gerð grein fyrir áhrifum jarðskautsviðnáms og hringrásarviðnáms á bilunarstrauma í neysluveitum. Fjallað er lítillega um háspennukerfið og þeim öryggiskröfum sem þar gilda.

Nemandi skal hafa öðlast þekkingu og skilning á:

• framleiðslu, flutning og dreifingu á raforku í mismunandi þrífasa lágspennukerfum
• varnar- og öryggisbúnaði í þessum kerfum
• nauðsyn jarðtenginga og spennujöfnunar í veitukerfum
• viðbrögðum við mismunandi álagi í kerfunum
• þekkja til háspennukerfisins

Nemandi skal hafa öðlast leikni í að:

• reikna strauma, spennur, afl og fasvik í mismunandi veitukerfum við mismunandi álag
• teikna tengi- og vektoramyndir af mismunandi veitukerfum og álagi þeirra
• leysa flóknari verkefni með ójafnlægu álagi

Nemandi skal geta hagnýtt þá almennu þekkingu og leikni sem hann hefur aflað sér til að:

• leiðbeina um val á réttum búnað eftir aðstæðum í viðkomandi raforkukerfi
• velja réttar lausnir við uppsettningu á mismunandi álagi í mismunandi veitukerfum
• skipuleggja aðgerðir við lausn á ójafnlægu álagi og lægfæringum á fasviki álags