NEYS2PL04 - Neysluvatnskerfi - Pípulagnir

Lýsing

Í áfanganum er farið yfir hvernig lagnir fyrir heitt og kalt neysluvatn eru lagðar að töppunarstöðum í byggingum. Fjallað er um lagnaefni sem til greina kemur, allar gerðir tenginga og tengiaðferðir. Skoðaðar eru mögulegar lagnaleiðir með sérstakri áherslu á að sem minnst leiðni verði milli heitrar og kaldrar leiðslu. Sérstök áhersla er lögð á einangrun röra, ekki síst kaldra röra með tilliti til daggarmyndunar. Reiknaðar eru röravíddir út frá fjölda töppunarstaða og áætlaðrar notkunar á vatni.

Nemandi skal hafa öðlast þekkingu og skilning á:

• lagnaefnum og búnaði sem notaður er í neysluvatnslagnir innanhúss, s.s. tengjum, ventlum, stýritækjum, festingum o.fl.
• áhöldum og tækjum sem notuð eru við lagningu neysluvatnslagna
• áhöldum og rafmagnsverkfærum til að leggja og festa upp lagnir
• búnaði til að yfirfara og þrýstiprófa neysluvatnskerfi
• öryggisreglum og hlífðarbúnað fyrir viðkomandi áhöld og tæki
• kröfum um brunavarnir við lagnir milli brunahólfa

Nemandi skal hafa öðlast leikni í að:

• velja lagnaefni með hliðsjón af aðstæðum
• velja rétt áhöld og tæki til að tengja saman lagnaefni og búnað
• velja lagnaleiðir og einangrun fyrir neysluvatnslagnir innanhúss
• meta nauðsyn hljóðdempunar frá lögnum og hvernig festa skuli neysluvatnslagnir
• vinna með snittvélar, þrýstitangir, suðutæki og lóðtæki til tengingar lagna úr málmum
• vinna með þrýstitangir og suðuvélar til að tengja lagnir úr plasti

Nemandi skal geta hagnýtt þá almennu þekkingu og leikni sem hann hefur aflað sér til að:

• leggja neysluvatnslagnir fyrir heitt og kalt vatn innanhúss
• nota íslenska gagnabankann um vatn
• leggja neysluvatnskerfi í byggingar í samræmi við íslenska staðla
• ganga á öruggan hátt frá lögnum í votrýmum í samvinnu við aðra iðnaðarmenn
• þrýstiprófa neysluvatnskerfi á mismunandi hátt eftir lagnaefnum
• skrá og merkja ventla og stýritæki neysluvatnskerfa og setja upp skýringartöflur
• áætla neysluvatnsnotkun og reikna rörasverleika
• vinna í samræmi við viðurkenndar öryggisreglur og öryggisbúnað