MLSU2VB03(BV) - Málmsuða 2

Lýsing

Markmið þessa áfanga er að breikka þekkingargrunn nemenda og auka færni þeirra á sviði málmsuðu, einkum er varðar beitingu hlífðargass við suðu á mismunandi tegundum málma. Nemendur skulu öðlast þjálfun í suðu með hlífðargasi (argon, blandgas) á járni og öðrum málmum (ryðfríu stáli og áli). 

Nemandi skal hafa öðlast þekkingu og skilning á:

• suðu með hlífðargasi
• argon- og blandgasi á stáli, ryðfríu stáli og áli með TIG, MIG og MAG suðutækjum
• MIG-MAG suðu á beinum fleti, lóðrétt-stígandi og lóðrétt-fallandi kverksuðu og uppundirsuðu
• TIG-suðu í kverk á tveimur ryðfríum plötum
• TIG-suðu á ryðfríum prófíl
• TIG-suðu á svörtum rörum
• skurði á ýmsum málmum með plasmaskurðarvélum

Nemandi skal hafa öðlast leikni í að:

• rafsjóða í ýmsum suðustellingum með MIG-MAG rafsuðutækjum
• rafsjóða ál, svart og ryðfrítt stál með TIG-suðu
• skera málma með plasmavélum

Nemandi skal geta hagnýtt þá þekkingu og leikni sem hann hefur aflað sér til að:

• meta við hvaða aðstæður henti að beita MIG-MAG eða TIG-suðu
• meta hvaða forsendur þurfi að vera til staðar til þess að MIG-MAG eða TIG suður henti við samtengingar
• meta hvaða tæki og búnaður þarf að vera til staðar við plasmaskurð og hvenær henti að beita plasmaskurði