MEÐF2SI05 - Meðferðarfræði fóta 2

Lýsing

Áfanginn er verklegur. Nemendur læra að beita mismunandi aðferðum við að meðhöndla og fjarlægja sigg, líkþorn og vörtur. Farið er í ráðgjöf og gerð grein fyrir mikilvægi forvarna.

Nemandi skal hafa öðlast þekkingu og skilning á:

• mikilvægi forvarna.
• mismundandi aðferðum við meðhöndlun á siggi, líkþornum og vörtum.

Nemandi skal hafa öðlast leikni í að:

• meðhöndla sigg, líkþorn og vörtur.
• beita réttum verkfærum, tækjum og efnum við meðhöndlun á siggi, líkþornum og vörtum.
• skrá sjúkraskýrslur og nota táknfræði til greiningar.
• útskýra mikilvægi forvarna.

Nemandi skal geta hagnýtt þá almennu þekkingu og leikni sem hann hefur aflað sér til að:

• öðlast færni í lið- og vöðvaprófum.
• veita ráðgjöf við meðferð og forvörnum við siggi, líkþornum og vörtum.