MATR1AM05 - Matreiðsla - Almenn matreiðsla

Lýsing

Áhersla er lögð á fjölbreyttan bakstur og matreiðslu. Markmiðið er að nemendur geti unnið sjálfstætt eftir mismunandi uppskriftum. Fái þjálfun í verklegari færni og geti skipulagt vinnu sína. Nemendur læra um meðferð matvæla, nýtingu þeirra og frágang. Einnig er meðhöndlun tækja og eldhúsáhalda hluti af náminu. Nemendur læra að leggja á borð og ganga frá eftir borðhald. Nemendur tileinka sér hreint vinnusvæði og þurfa að þrífa vel eftir sig. Farið verður yfir næringargildi fæðunnar ásamt umræðu um kosnað við heimilshald.

Nemandi skal hafa öðlast þekkingu og skilning á:

• einföldum bakstri og matreiðsluaðferðum
• meðferð matvæla
• eldhúsáhöldum og tækjum í eldhúsinu
• góðu hráefni og hagkvæmni í innkaupum
• uppskriftum
• mikilvægi hreinlætis
• matarmenningu annarra þjóða

Nemandi skal hafa öðlast leikni í að:

• nota einfaldar matreiðsluaðferðir
• vinna rétt eftir uppskrift
• meðhöndla hráefni eftir mismunandi aðferðum
• þekkja innihald hráefna og geta valið hollari kostinn
• leggja á borð og ganga frá eftir borðhald
• ganga frá og þrífa vinnuaðstöðu
• viðhafa persónulegt hreinlæti við matargerð
• reikna næringargildi í fæðunni 

Nemandi skal geta hagnýtt þá þekkingu og leikni sem hann hefur aflað sér til að:

• matreiða fjölbreytta rétti
• þekkja næringarefnin og nýta sér þau til vaxtar og viðhalds
• nota algengustu eldhúsáhöld og tæki
• meðhöndla matvæli rétt
• bera virðingu fyrir hráefninu og vinnuumhverfinu
• sýna samvinnu, tillitssemi og stundvísi