MÆLG3MÆ05 - Mælingar og greiningar

Lýsing

Í þessum áfanga er fjallað um ýmsar líkamsgerðarmælingar s.s. hæðar-, þyngdar- og ummálsmælingar sem og mat á líkamssamsetningu. Einnig er farið í greiningar á líkamsstöðu og hreyfigetu liða. Farið verður í mikilvægi áreiðanleika og gildi mælinga og hvernig ytri og innri þættir viðfangsefnisins hafa áhrif á niðurstöður. Kenndar eru helstu þol-, liðleika, og styrktarmælingar sem notaðar eru á starfsvettvangi einka- og styrktarþjálfara. Farið er í framkvæmd heilsufarsmats m.t.t. heilsufarssögu og félagssögu. Einnig er farið í notkun ýmissa mælitækja s.s. húðfellingatanga, rafviðnámsmæla, blóðþrýstingsmæla og ummálsmæla.

Nemandi skal hafa öðlast þekkingu og skilning á:

• hugtökunum "gildi" (validity) og "áreiðanleika" (reliability) mælinga og greininga
• tilgangi mælinga og greininga
• þeim ytri og innri þáttum sem geta haft áhrif á niðurstöður mælinga og greininga
• helstu mælingum og greiningum sem framkvæmdar eru á starfsvettvangi einka- og styrktarþjálfara og viðeigandi tækjabúnaði
• réttri líkamsstöðu og eðlilegri hreyfigetu liða
• helstu aðferðum við þol-, liðleika og styrktarmælingar

Nemandi skal hafa öðlast leikni í að:

• skrá niðurstöður mælinga og greininga
• framkvæma þær mælingar og greiningar, af nákvæmni og áreiðanleika, sem einka- og styrktarþjálfarar nota til að meta líkamsástand skjólstæðinga sinna
• draga saman niðurstöður mælinga og greininga og miðla til skjólstæðinga sinna
• nota viðeigandi tækjabúnað til mælinga og greininga
• framkvæma heilsufarsmat

Nemandi skal geta hagnýtt þá almennu þekkingu og leikni sem hann hefur aflað sér til að:

• rökstyðja hvaða mælingar og greiningar skal nota hverju sinni samkvæmt niðurstöðum heilsufarsmats og markmiðum hvers skjólstæðings
• gera sér grein fyrir mikilvægi mælinga og greininga við gerð þjálfunaráætlana
• tengja niðurstöður greininga og mælinga við gerð þjálfunaráætlana
• sýna nærgætni og skilning við framkvæmd og miðlun á niðurstöðum mælinga og greininga
• afla sér nýjustu upplýsinga um mælingar og greiningar