LÍFS1FH05 - Lífsleikni - Með áherslu framkomu og hreinlæti (ST)

Undanfari : Enginn
Í boði : Alltaf

Lýsing

Ný menntastefna er höfð til grundvallar og grunnþættir menntunar eru hafðir að leiðarljósi. Fjallað verður um viðeigandi framkomu og snyrtimennsku til að nemanda líði sem best í daglegu lífi.

Nemandi skal hafa öðlast þekkingu og skilning á:

  • að viðeigandi framkoma og snyrtimennska leiðir til fleiri tækifæra til dæmis varðandi vinsældir í hópi
  • að viðeigandi framkoma og snyrtimennska veitir meiri líkur á tækifærum á sviði tómstunda, náms og vinnu
  • að hreinlæti er nauðsynlegt
  • að skortur á hreinlæti getur valdið sjúkdómum, vondri lykt eða öðrum óþægilegum kvillum
  • að viðeigandi klæðnaður er mikilvægur

Nemandi skal hafa öðlast leikni í að:

  • að kynna sig
  • að heilsa á viðeigandi hátt
  • að svara þegar á hann er yrt
  • að bíða eftir að röðin komi að honum
  • að hagræða fötum og velja viðeigandi klæðnað
  • að nota viðeigandi snyrtivörur
  • að nota tannbursta og tannkrem
  • að þvo hendur og líkama

Nemandi skal geta hagnýtt þá almennu þekkingu og leikni sem hann hefur aflað sér til að:

  • temja sér viðeigandi framkomu
  • sinna eigin hreinlæti
  • vita hvað klæðnaður hentar hverju sinni

Áfangi á starfsbraut