LEIF3LO05 - Leikjaforritun 6 - Lokaverkefni

Lýsing

Í áfanganum vinna nemendur heildstætt verkefni í tengslum við atvinnulífið. Nemendur þjálfa sjálfstæð vinnubrögð með áherslu á hugmyndavinnu, tímastjórnun og útfærslu verkefnisins. Þeir nýta sér drifkraft og útsjónarsemi og þjálfast í að skipuleggja verkefni sín, annað hvort sem hluti af teymi eða sem einstaklingar. Í áfanganum er lögð áhersla á að nemendur byggi ofan á þekkingu, leikni og hæfni sem þeir hafa öðlast í fyrri áföngum sem tengjast tölvuleikjagerð á námsferli sínum. Nemendur vinna með eigið áhugasvið og halda kynningu/sýningu á verkefninu í lok áfangans fyrir áhorfendahóp.

Nemandi skal hafa öðlast þekkingu og skilning á:

• heimildaöflun til síðari úrvinnslu
• skipulagsvinnu í tengslum við verklegar úrlausnir
• starfsferlum í vinnslu hugbúnaðar þar sem tölvuleikjagerðar áfangar koma við sögu, t.d. forritun, margmiðlun og markaðsfræði o.fl.
• sjálfstæðum og öguðum vinnubrögðum

Nemandi skal hafa öðlast leikni í að:

• beita skapandi hugsun við undirbúning samstarfsverkefnis
• setja upp verkefni eftir viðurkenndum leiðum
• halda utan um vinu sína og kynna hana fyrir samstarfsfólki og öðrum

Nemandi skal geta hagnýtt þá almennu þekkingu og leikni sem hann hefur aflað sér til að:

• nota viðeigandi tæki og hjálpargögn við vinnslu og frágang verkefna
• tileinka sér grunnhugmyndir varðandi starfsferla hjá fyrirtækjum sem fást við hugbúnað
• eiga í farsælu samstarfi við samstarfsfólk og fyrirtæki í atvinnulífinu
• geta rýnt í eigin vinnu og gert grein fyrir vinnuframlagi sínu