LEIF3FR05 - Leikjaforritun 5 - Sýndarveruleiki, framhald

Lýsing

Í áfanganum vinna nemendur með færni í hönnun og þróun sýndarveruleika leikja. Sérstök áhersla verður á það hvaða aðferðir virki vel til þess að gera sýndarveruleikaupplifun sem raunverulegasta. Í áfanganum er unnið með atriðastýringu (control method) og navigation í VR. Nemendur vinna með möguleika og takmarkanir sem VR app er háð í samanburði við hefðbundin real time applications.

Nemandi skal hafa öðlast þekkingu og skilning á:

• verkfæri verkefnastjórnunar í þróunarsjónarmiði (s.s. Agile Development Process)
• skipulag, útfærslu og eftirfylgni verkefnis
• skapandi lausnaleit
• sérþekkingu um mismunandi verkfæri til tölvuleikjagerðar
• möguleikum og takmörkunum með notkun VR/AR

Nemandi skal hafa öðlast leikni í að:

• nota viðurkennd verkfæri til verkefnastjórnunar
• útfærslu markhópsgreiningar og aðlögunarferla
• nota mismunandi verkfæri til tölvuleikjagerðar
• notkun og þróun smáforrita (applications) fyrir VR/AR
• forritun í mismunandi leikjavélum

Nemandi skal geta hagnýtt þá almennu þekkingu og leikni sem hann hefur aflað sér til að:

• bera kennsl á og velja besta formið út frá fyrirmælum
• vinna sjálfstætt að sköpun flókinna tví- og þrívíddarleikja
• þróa tölvuleiki og sýndarveruleika til notkunar í VR