LEIF2GR05 - Leikjaforritun 2 - Tölvuleikjagerð og framleiðsla

Lýsing

Nemendur vinna verkefni í leikjavél (s.s. Unity eða Unreal) með áherslu á gerð tölvuleiks út frá sjónarhorni forritarans. Hér er sérstaklega átt við að nemendur vinni með navigation í ritli (editor), visual scripting og aðrar hefðbundnar skipanir. Markmið áfangans er að nemandinn öðlist yfirsýn og skilning á ólíkum leikjavélum og hvernig þær leysa svipuð vandamál á ólíkan hátt í tengslum við áherslur áfangans. Auk þess að nemendur öðlist skilning á hlutverki forritara og hvernig þeir vinna í teymi með öðrum þróunaraðilum að leikjagerð.

Nemandi skal hafa öðlast þekkingu og skilning á:

• sérþekkingu forritara við forritun í tölvuleikjagerð
• visual scripting
• verkfærum leikjagerðarfólks
• muninum á mismunandi leikjavélum
• hvernig leikir og forrit eru byggð upp

Nemandi skal hafa öðlast leikni í að:

• nota mismunandi leikjagerðarverkfæri
• vinna að verkefnalausn (problem solving)
• forritun í ólíkum stýrikerfum

Nemandi skal geta hagnýtt þá almennu þekkingu og leikni sem hann hefur aflað sér til að:

• rýna í form og innihald og aðlaga að þeim ramma sem er til staðar
• bera kennsl á og velja besta rammann fyrir ólíkar skipanir
• klára gerð tví- og þrívíddar leikja