LEIF2FR05 - Leikjaforritun 3 - Tölvuleikjagerð og framleiðsla, framhald

Lýsing

Í áfanganum þjálfa nemendur notkun á viðurkenndu verkfæri verkefnastjórnunar (s.s. agile, scrum eða annað) hér með talið alhliða skipulagi og tímastjórnun. Nemendur þjálfa og nota praktíska færni í forritun, forritum og öðrum verkfærum sem notuð eru við tölvuleikjagerð. Unnið er að þróun tölvuleiks í teymi ásamt því að sýna fram á skipulags- og tímastjórnunarfærni með verkefnastjórnunarverkfærum.

Nemandi skal hafa öðlast þekkingu og skilning á:

• tilteknu verkfæri verkefnastjórnunar
• skipulagi, útfærslu og eftirfylgni verkefnis
• tölvuleikjahönnun og hvataþáttum í tölvuleikjum
• skapandi lausnaleit
• sérþekkingu um forritun tölvuleikja
• uppbyggingu tölvuleikja og forrita

Nemandi skal hafa öðlast leikni í að:

• nota viðurkennd verkfæri til verkefnastjórnunar á skilvirkan hátt
• setja upp tímaáætlun
• heimildasöfnun og skráningu hugmynda
• kynningartækni
• tölvuleikjaforritun

Nemandi skal geta hagnýtt þá almennu þekkingu og leikni sem hann hefur aflað sér til að:

• vinna sjálfstætt og faglega sem tölvuleikjagerðaraðili
• rýna í form og innihald og aðlaga að þeim ramma sem er til staðar
• eiga jákvæð og skilvirk samskipti við samstarfsfólk
• klára gerð tví- og þrívíddar leikja
• hafa frumkvæði og taka þátt í þróunarferli tölvuleikjagerðar og leysa vandamál sem koma upp
• rýna í vinnuferlið tölvuleikjagerðar og leggja persónulegt mat á ferlið