LEIF1GR05 - Leikjaforritun 1 - Forritun og leikjavélar

Lýsing

Grunnáfangi í tölvuleikjagerð. Nemendur vinna með grunnhugmyndir leikjagerðar og leikhönnun. Áhersla á að nemendur þekki ferla í gerð tölvuleikja, þjálfi leikni og færni í hugmyndavinnu og frásagnalist (storytelling). Nemendur vinna verkefni sem tengjast hugmyndavinnu, þjálfast í því að sjá fjölbreytta möguleika út frá einni og sömu hugmynd – auk tækifæri til betrumbóta í hvívetna. Frumgerð er unnin í áfanganum. Sérstök áhersla er á að nemendur þjálfist í listrænni vinnu við söguþráð og persónusköpun, leikjafræðilegri útfærslu gagnvirkra þátta, nýtingu hvataþátta (gamification) og þeim hughrifum sem reynt er að efla við spilun.

Nemandi skal hafa öðlast þekkingu og skilning á:

• leikjagerð og áhrifum hvataþátta
• hugmyndavinnu og handritsgerð
• skapandi lausnaleit
• hvernig tölvuleikir og forrit eru uppbyggð

Nemandi skal hafa öðlast leikni í að:

• réttri notkun hugtaka úr tölvuleikjagerðarfaginu
• útfærslu einfaldrar markhópsgreiningar og aðlögunarferla
• heimildasöfnun og utanumhald hugmyndavinnslu
• kynningartækni
• vinna að verkefnalausn (problem solving)

Nemandi skal geta hagnýtt þá þekkingu og leikni sem hann hefur aflað sér til að:

• greina takmarkanir og aðlaga verkefni eftir því
• eiga í jákvæðum og skilvirkum samskiptum við samstarfsfólk
• kynna vinnu sína á sjálfstæðan máta
• klára gerð tví- og þrívíddarleikja