JARÐ3JS05 - Jarðfræði - Jarðsaga

Lýsing

Í áfanganum kynnast nemendur sögu jarðar, þróun lífríkis og breytingum á landaskipan í tímans rás. Sérstök áhersla er lögð á myndunar- og mótunarsögu Íslands. Sjálfstæð vinnubrögð nemenda endurspeglast í verkefnavinnu þeirra. Helstu efnisatriði eru:

• jarðsaga heimsins
• upphaf lífs og þróun þess á mismunandi jarðsögutímabilum
• náttúruhamfarir og áhrif þeirra á sögu jarðar
• jarðsögutaflan
• upphaf mannsins
• aldursákvarðanir
• jarðsaga Íslands
• ísaldir og orsakir þeirra

Nemandi skal hafa öðlast þekkingu og skilning á:

• upplýsingum um jarðlög af jarðlagakortum
• notkun jarðsögutöflunnar
• áhrifum náttúrhamfara á sögu jarðar
• lestri gagna um aldursákvarðanir
• hugmyndum um orsakir ísalda

Nemandi skal hafa öðlast leikni í að:

• rekja í meginatriðum þróun lífs á jörðu
• rekja upphafssögu mannsins
• teikna þversnið eftir jarðlagakortum
• nota segulkvarðann
• reikna einföld dæmi um aldursákvarðanir

Nemandi skal geta hagnýtt þá almennu þekkingu og leikni sem hann hefur aflað sér til að:

• tengja saman hagnýt jarðefni og þá jarðsögu sem leiðir til myndunnar hagnýtra efna
• túlka jarðlagakort og skýra þá jarðlagauppbyggingu sem fram kemur á þeim
• rökstyðja tengsl náttúrhamfara og þróunar lífs á jörðu
• bera saman jarðsögu mismunandi landshluta Íslands
• vinna sjálfstætt að afmörkuðum verkefnum nemendahópnum til handa
• vinna í hópi að afmörkuðum verkefnum nemendahópnum til handa
• tengja jarðlög milli jarðlagasniða
• fjalla á gagnrýnin hátt um hugmyndir um orsakir ísalda