ÍÞRÓ1SU01 - Íþróttir - Sund

Undanfari : Enginn
Í boði : Alltaf

Lýsing

Áfanginn er verklegur. Meginviðfangsefni áfangans er fjölbreytt líkamsrækt og alhliða líkamsþjálfun tengd sundi þar sem áhersla er lögð á þolæfingar. Áfanginn inniheldur mismunandi kynningarþætti, s.s. bringusund, baksund, skriðsund og aðrar sundgreinar ef nemandi óskar þess. Unnið er með atriði eins og samvinnu, tillitsemi og háttvísi

Nemandi skal hafa öðlast þekkingu og skilning á:

  • mikilvægi hreyfingar
  • sundíþróttinni
  • líkamlegri, andlegri og félagslegri heilsu
  • leiðum til að nýta líkams- og heilsurækt við daglegar athafnir
  • gildi samvinnu, umburðarlyndis og virðingar
  • forvarnargildi líkamsræktar

Nemandi skal hafa öðlast leikni í að:

  • synda
  • hreyfa sig sér til heilsubótar og ánægju
  • nýta sér tæknina til að hreyfa sig meira
  • taka tillit til annarra og hvetja þá

Nemandi skal geta hagnýtt þá þekkingu og leikni sem hann hefur aflað sér til að:

  • stunda hreyfingu án mikils tilkostnaðar
  • sýna öðrum virðingu við leik, keppni, nám og störf
  • vinna að bættri heilsu í samvinnu við aðra
  • styrkja jákvæða sjálfsmynd með þátttöku í greininni
  • gera hreyfingu að lífsstíl