ÍÞRÓ1AL01 - Íþróttir - Almennar íþróttir

Lýsing

Nemendur fá alhliða hreyfireynslu með fjölbreytni að leiðarljósi. Lögð er áhersla á fjölbreytta upphitun, styrkjandi og liðkandi æfingar, auk alhliða þolþjálfunar og leikja. Byggt er á þeim grunni sem skapast hefur í grunnskólanum. Samhliða verklegri útfærslu fræðast nemendur um íþróttir, líkamsrækt og heilsuvernd. Kennslutímarnir eru verklegir og fara fram í íþróttahúsi.

Nemandi skal hafa öðlast þekkingu og skilning á:

• mikilvægi hreyfingar og réttrar líkamsbeitingar
• upphitun, þoli-, styrktar- og liðleikaþjálfun
• líkamlegri, andlegri og félagslegri heilsu
• mikilvægi slökunar
• þjálfunarpúls
• líkamsástandsprófum
• undirstöðuatriðum helstu íþróttagreina
• mismunandi aðferðum til heilsuræktar
• umburðarlyndi og virðingu í leik, keppni og starfi

Nemandi skal hafa öðlast leikni í að:

• framkvæma æfingar sem auka þol, styrk og liðleika
• beita almennri og sérhæfðri upphitun íþróttagreina
• beita réttri líkamsbeitingu við æfingar
• fylgjast með þjálfunarpúls og ákefð við æfingar
• framkvæma slökunaræfingar
• taka stöðluð þrekpróf
• vinna með öðrum að lausnum verkefna
• taka tillit og hvetja aðra 

Nemandi skal geta hagnýtt þá þekkingu og leikni sem hann hefur aflað sér til að:

• nýta sér upplýsingartækni við alhliða líkams- og heilsurækt
• nýta sér stöðluð þrekpróf til að byggja upp eigið þrek og hreysti
• stunda hreyfingu án mikils tilkostnaðar. Nýtt sér náttúruna og umhverfið
• velja og hafna. Vera gagnrýnin á hinar ýmsu bábiljur um skyndilausnir sem bæta eiga heilsuna
• sýna sjálfstæði, öryggi og velja hreyfingu við hæfi.
• sýna öðrum virðingu við leik, keppni, nám og störf
• vinna að bættri heilsu í samvinnu við aðra.
• takast á við fjölbreytt verkefni sem reyna á líkamleg, andleg og félagslegt atgervi.
• styrkja jákvæða sjálfsmynd með þátttöku í leikjum, íþróttum, heilsurækt, dansi eða útiveru
• gera hreyfingu að lífsstíl