ÍÞRF3LÞ05 - Íþróttafræði - Lífeðlis- og þjálfræði

Undanfari : LÍOL2SS05 og ÍÞRF3LH05
Í boði : Alltaf

Lýsing

Í áfanganum er lögð áhersla á að nemendur læri um starfsemi hjarta og blóðrásarkerfis, lungna, taugakerfis og áhrif markvissrar þjálfunar á líffærakerfin. Einnig er fjallað um gerða vöðvaþráða og áhrif mismunandi þjálfunar á starfsemi þeirra. Sérstök áhersla er lögð á að tengja lífeðlisfræði við íþróttaiðkun. Nemendur fá kennslu um þol, kraft, hraða og liðleika. Farið er yfir kannanir tengdar þrekþáttum. Komið er inn á tækni og tækniþjálfun íþróttamanna. Nemendur fræðast um skipulag þjálfunar íþróttamann og mikilvægi markmiðsetningar í tengslum við áætlanagerð. Áfanginn er bóklegur og verklegur

Nemandi skal hafa öðlast þekkingu og skilning á:

  • starfsemi hjarta og blóðrásarkerfis
  • starfsemi lungna
  • taugakerfi líkamans
  • vöðvakerfi líkamans

Nemandi skal hafa öðlast leikni í að:

  • tileinka sér helstu aðferðir sem beita má við uppbyggingu þols og krafts
  • nota æfingar og leiki sem nota má markvisst til að byggja upp þol og kraft
  • nota helstu þjálfunaraðferðir
  • framkvæma kannanir á þrekþáttum
  • nýta sér upplýsingatækni við skipulag á þjálfun

Nemandi skal geta hagnýtt þá þekkingu og leikni sem hann hefur aflað sér til að:

  • nota markvisst skipulag við íþróttaþjálfun
  • nota mismunandi þjálfunaraðferðir á mismunandi þjálfunarþætti