ÍSLE3MV05 - Íslenska - Málvísindi

Lýsing

Málvísindaáfangi þar sem tekið er á uppbyggingu íslenskunnar. Þróun málsins er skoðuð svo og beyginarkerfið, hljóðfræðin, orðmyndunin, setningaskipan og ásamt máltöku barna. Áherslan er lögð á að skoða málið og rannsaka eins og það er á 21. öldinni.

Nemandi skal hafa öðlast þekkingu og skilning á:

• uppbyggingu íslensks nútímamáls
• mismunandi orðanotkun fólks á ólíkum tímum
• beygingar-, hljóð- og setningafræði íslenskunnar
• helstu aðferðum við nýmyndun orða
• grunnatriði málsögu, málfkerfis og orðaforða íslenskunnar
• ritgerðarsmíð og heimildavinnu

Nemandi skal hafa öðlast leikni í að:

• beita málvísindalegum hugtökum til rannsókn
• vinna með öll helstu hugtök málfræði, setningafræði, hljóðfræði og orðmyndun
• nýta málfræðihugtök af öryggi í umræðu um málið, þróun þess, menningu og sögu
• flytja af öryggi og sannfæringarkrafti ítarlega kynningu á flóknu efni, s.s. niðurstöður og rannsókn á íslensku máli
• skrifa ritgerðir þar sem beitt er gagnrýninni hugsun við úrvinnslu og frágangs texta
• koma efni á framfæri á skýran og vandaðan hátt á blæbrigðaríku máli
• sýna sjálfstæði í vinnubrögðum

Nemandi skal geta hagnýtt þá almennu þekkingu og leikni sem hann hefur aflað sér til að:

• vinna með málkerfið í heild og geti greint nýjungar og breytingar á málinu og útskýrt þær út frá málvísindalegum forsendum
• beita gagnrýninni hugsun við lestur, túlkun og úrvinnslu krefjandi texta
• rannsaka málið á gagnrýninn og fordómalausan hátt
• skrifa skýran og vel uppbyggðan texta sem byggir bæði á rannsóknum og heimildum
• taka virkan þátt í umræðum og tjá rökstudda afstöðu
• geta kynnt rannsóknarniðurstöður, ályktanir og ígrundanir