IÐNF2GB04 - Iðnfræði háriðna 2

Lýsing

Nemandinn lærir um hönnun og hlutföll við klippingar og greiðslur og um samskipti við viðskiptavininn. Farið er í litunarfræði, litastjörnuna, litanúmer og nöfn auk efnafræði hárlitunar- og permanentefna. Kynntar eru leiðir til sjálfbærni í hársnytiiðn og vistvænar vörur kynntar. Nemandinn lærir að greina mismunandi hárgerðir og hárskaða. Ýmis lykilorð við lestur leiðbeininga með hársnyrtiefnum á erlendum tungumálum eru skoðuð auk enskra fagorða. Unnið er með form, áferð, lögun og skoðaðar skilgreiningar hugtaka sem tengjast hárinu auk þess sem leitast er við að efla skilning nemenda á gerð og notkun verklýsinga. Lögð er áhersla á mikilvægi réttrar líkamsbeitingar. Nemendur gera ferilskrá og fræðast um atvinnuviðtöl.

Nemandi skal hafa öðlast þekkingu og skilning á:

• mismunandi litategundum og styrkleikum þeirra
• litastjörnunni, heitum og köldum litum, hvað andstæðir litir gera
• efnafræði permanents og hárlitar og umgengni við hárefni
• uppbyggingu hárs og áhrif efna á það
• réttri líkamsbeitingu
• helstu fagorðum sem tengjast hárinu á íslensku og ensku

Nemandi skal hafa öðlast leikni í að:

• greina ástand hárs, líkamsform og andlitsfall og áhrif þess á möguleika á vali hársnyrtingar
• lesa leiðbeiningar og notkunarreglur efna á ensku
• nota litastjörnuna og lesa úr litaspjöldum

Nemandi skal geta hagnýtt þá almennu þekkingu og leikni sem hann hefur aflað sér til að:

• umgangast efni af virðingu og með varúð
• vinna með liti og permanentefni og nota þau hjálpargögn sem bjóðast
• beita líkamanum rétt við vinnu sína
• gera ferilskrá til atvinnuleitar