HÚSA1KY05 - Húsasmíði - Kynningaráfangi

Undanfari : Enginn
Í boði : Alltaf

Lýsing

Markmið áfangans er að kynna fyrir nemendum nám í húsasmíði og skyldum byggingagreinum þannig að þeir þekki grunnnám byggingargreina auk þeirra námsleiða sem því tengist. Nemendum er kennt að nota ýmis verkfæri sem notuð eru í trésmíði og hvaða verkfæri skal velja út frá þeim verkum sem verið er að vinna að. Þá er einnig farið í vinnuvernd og hvað ber að varast við notkun tækja og áhalda í trésmíði.

Nemandi skal hafa öðlast þekkingu og skilning á:

  • hvernig iðnnám í byggingagreinum er uppbyggt
  • notkunarmöguleikum verkfæra og tækja
  • mælingum og yfirfærsla á þeim á vinnslustykki
  • þeim hættum sem geta skapast við ranga meðhöndlun verkfæra og tækja

Nemandi skal hafa öðlast leikni í að:

  • velja viðeigandi verkfæri til einfaldra verka í smíði
  • lesa út út teikningu

Nemandi skal geta hagnýtt þá þekkingu og leikni sem hann hefur aflað sér til að:

  • vinna með ýmis handverkfæri og rafmagnsverkfæri sem tilheyra trésmíði
  • smíða einfalda hluti úr tré eftir teikningu