HPEM2FB02 - Permanent 4

Lýsing

Nemandi fær þjálfun og öðlast leikni í hönnun og ísetningu á permanenti miðað við fyrirhugaða útkomu. Kennd er greining hárs og meðferð ýmissa tegunda af permanentefnum og sléttunarefnum. Unnið er áfram með verklýsingar. Verkefnin eru unnin á æfingarhöfði og módelum.

Nemandi skal hafa öðlast þekkingu og skilning á:

• útfærslu permanents samkvæmt verklýsingu og óskum viðskiptavina
• ýmsum gerðum permanent- og sléttiefna sem unnið er með
• að taka tillit til líffræðilegra þátta við hönnun meðferðar
• vali á spólugerð með hliðsjón af útkomu

Nemandi skal hafa öðlast leikni í að:

• gera verklýsingar og spjaldskrár
• framkvæma mismunandi upprúll fyrir permanent með tilliti til útkomu
• setja permanent og sléttun í ýmsar síddir af hári með ólíkum aðferðum
• greina hár og velja viðeigandi efni

Nemandi skal geta hagnýtt þá almennu þekkingu og leikni sem hann hefur aflað sér til að:

• ráðleggja viðskiptavini um val og meðhöndlun á permanenti eða varanlegri sléttun
• greina ástand hárs og velja viðeigandi efni
• meðhöndla hárið á viðeigandi hátt fyrir og eftir meðferð
• ganga vel um vinnusvæði, gæta öryggis og hreinlætis