HMFF1HM05 - Hlífðarmeðferð 1

Lýsing

Nemandi skal hafa öðlast þekkingu og skilning á:

• nýjustu efnum og aðferðum sem notaðar eru við gerð stoðhlífa.
• hvar og hvernig hægt er að nálgast upplýsingar um ný efni og aðferðir við gerð lítilla hlífa.
• mikilvægi þess að dreifa og létta álagi af einstökum stöðum við meðferð fótameina.
• öryggismálum og vinnureglum á verkstæðum.

Nemandi skal hafa öðlast leikni í að:

• meðhöndla líkþorn, sár og vörtur með hlífum.
• umgangast tæki og efni sem tengjast stoðhlífagerð af öryggi.
• skrá sjúkraskýrslu/dagbók um gerð stoðhlífa.

Nemandi skal geta hagnýtt þá almennu þekkingu og leikni sem hann hefur aflað sér til að:

• búa til hlífar sem létta álagi á t.d. líkþornum, siggi, sprungum og vörtum og/eða rétta skekkjur.
• nota ýmis efni við gerð stoðhlífa, s.s. sílíkon, svamp, filt og fleezyweb.
• búa til stoðhlífar sem ýmist eiga að rétta skekkjur í liðum, s.s. hamartær, digiti mallei, dorso-planta eða dreifa álagi á afmörkuð svæði, s.s. kringum líkþorn, sár, sprungur eða vörtur.