HÁRG2FB03 - Hárgreiðsla 4

Lýsing

Nemandi þjálfast í að hanna og útfæra hárgreiðslur miðað við mismunandi hárlengdir sem hæfa viðskiptavini við ýmis tækifæri, bæði dag- og kvöldgreiðslur. Nemandinn kynnist mismunandi tímabilum í sögu hársins og lærir að útfæra greiðslur eftir ljósmyndum og tímaritum. 

Nemandi skal hafa öðlast þekkingu og skilning á:

• ýmsu upprúlli
• úrgreiðslum miðað við fyrirhugaða útkomu
• mismunandi stíl og stílbrigðum
• áhöldum og efnum sem notuð eru við hárgreiðslur

Nemandi skal hafa öðlast leikni í að:

• útfæra greiðslur fyrir mismunandi hárlengdir
• móta hár með rúllum, járnum, nálum og klípum
• nota viðeigandi hárskraut
• útfæra mismunandi bylgju-og tímabilagreiðslur
• móta blautbylgjur í mismunandi útfærslum
• nota samfélagsmiðla til hugmyndavinnu og kynninga
• vinna samkvæmt verklýsingu

Nemandi skal geta hagnýtt þá þekkingu og leikni sem hann hefur aflað sér til að:

• útfæra ólíkar hárgreiðslur fyrir mismunandi hárgerðir og hárlengdir
• nota verklýsingu sem hjálpartæki í hárgreiðslu
• kynna hugmyndir sínar fyrir ýmsa vegu
• ganga vel um vinnusvæði og gæta öryggis og hreinlætis