GRTE1FÚ05 - Grunnteikning 2

Lýsing

Í áfanganum er lögð áhersla á að nemendur öðlist áframhaldandi almenna þekkingu og þjálfun í teiknifræðum. Áfanginn skiptist í þrjá meginþætti: Flatarteikningu, fallmyndun, yfirborðsútflatninga og fríhendisteikningu. Í áfanganum er gert ráð fyrir að nemendur öðlist frekari færni í meðferð og notkun mæli- og teikniáhalda, myndrænni vinnu með viðfangsefni starfsgreina, þjálfist í lestri og gerð vinnu-teikninga, fríhendisrissteikningu, gerð flatarmynda og útflatninga. Áfanginn er undirbúningur fyrir fagbundið nám í teiknifræðum.

Nemandi skal hafa öðlast þekkingu og skilning á:

• upplýsingamiðlun með tæknilegum teikningum

Nemandi skal hafa öðlast leikni í að:

• lesa og gera einfaldar tæknilegar vinnuteikningar
• gera einfaldar þrívíðar teikningar fríhendis í réttum hlutföllum
• nota teikni- og mælitæki

Nemandi skal geta hagnýtt þá þekkingu og leikni sem hann hefur aflað sér til að:

• miðla og túlka flatarteikningu yfir í þrívíðar myndir á skilvirkan hátt
• vera undirbúinn undir frekara nám í teiknifræðum