FÓTF2FA03 - Fótaaðgerðafræði 2

Lýsing

Í áfanganum er farið í meðfædda og áunna aflögun fóta sem valdið getur siggi, líkþornum og sárum. Farið er sérstaklega í fætur gigtveikra, íþróttafætur og fætur barna. Nemendur læra að velja viðeigandi meðferðarúrræði, meðhöndla vandamál og beita fyrirbyggjandi hlífðarmeðferð. Enn fremur er farið í mikilvægi forvarna, fræðslu og ráðgjöf.

Nemandi skal hafa öðlast þekkingu og skilning á:

• helstu meðfæddu og áunninni aflögun fóta.
• helstu vandamálum sem fylgja gigtsjúkdómum.
• helstu vandamálum íþróttafóta.
• þroskaferli barnsfótarins, meðfædda og áunna rangstöðu.
• orsökum meðfæddra og áunninna aflögunar fóta.

Nemandi skal hafa öðlast leikni í að:

• velja viðeigandi meðferðarúrræði.
• greina fætur gigtveikra, m.t.t. rangstöðu, hreyfihömlunar, hjálpartækja, gigtarlyfja og fótasára.
• greina íþróttafætur, s.s. álagseinkenni, íþróttaáverka neðan ökkla og aflögun nagla.
• greina fætur barna, m.t.t. þroska fóta, meðfædda og áunna rangstöðu og aflögun í nöglum.
• velja viðeigandi meðferðarúrræði, meðhöndla vandamál og beita fyrirbyggjandi hlífðarmeðferð.

Nemandi skal geta hagnýtt þá almennu þekkingu og leikni sem hann hefur aflað sér til að:

• meðhöndla helstu fótamein sem hrjá fætur barna, fætur gigtveikra og íþróttafætur.
• geta skýrt út forsendur, veitt ráðgjöf um forvarnir og meðferðarúrræði fyrir skjólstæðingi.
• meðhöndla vandamál og beita fyrirbyggjandi hliðarmeðferð.