FÓTF1FU03 - Fótaaðgerðafræði 1

Lýsing

Í áfanganum er farið í helstu sjúkdóma og áverka á húð og í nöglum, s.s. útlitsbreytingar, los, þykknun, bletti, rendur í nöglum, sveppi, sprungur, sigg, húðsjúkdóma, vörtur og líkþorn. Farið er í helstu greiningaraðferðir og meðferðarúrræði. Einnig er farið í skráningu og upplýsingaöflun í sjúkraskýrslu. Nemendur læra táknfræði fótaaðgerðafræðinga og skráningu á táknfræði í sjúkraskýrslu.

Nemandi skal hafa öðlast þekkingu og skilning á:

• orsökum helstu sjúkdóma sem leggjast á húð og neglur á fótum.
• helstu húðvandamálum á fótum, s.s. sprungur, sigg, þurra húð og fótraka.
• helstu vandamálum sem koma upp í nöglum, s.s. útlitsbreytingar, los, þykknun, bletti, rendur, sveppi og sprungur.
• útliti helstu fótameina sem tengjast húð og nöglum.
• áverkum á nöglum sem verða vegna óeðlilegs álags.

Nemandi skal hafa öðlast leikni í að:

• nota táknfræði fótaaðgerðafræðinga til greiningar.
• nýta helstu meðferðarúrræði sem varða húð og neglur.
• flokka helstu fótamein, t.d. í sveppi, sigg, húðsjúkdóma, vörtur og líkþorn.

Nemandi skal geta hagnýtt þá almennu þekkingu og leikni sem hann hefur aflað sér til að:

• geta gefið ráðleggingar um helstu forvarnir sem varða húð og neglur.
• geta skráð sjúkraskýrslu og aflað upplýsinga.
• geta greint helstu fótamein sem tengjast húð og nöglum og geti flokkað þau, t.d. í sveppi, sigg, húðsjúkdóma, vörtur og líkþorn.