FÉLA3RA05 - Félagsfræði - Rannsóknir í félagsfræði

Undanfari : FÉLA2ES05 og FÉLA3KS05
Í boði : Alltaf

Lýsing

Rannsóknir og aðferðir félagsgreina

Framhaldsáfangi í félagsfræði en lögð er áhersla á að beita rannsóknaraðferðum og kenningum með það að markmiði að auka þekkingu nemenda á rannsóknaraðferðum fræðagreinarinnar. Jafnframt verður leitast við að nemendur öðlist færni í að beita makró og míkró sjónarhorni og skilji þau rannsóknarferli sem standa að baki kerfisbundinni rannsókn. Lögð er áhersla á að nemendur geti á sjálfstæðan hátt öðlast færni í að standa að rannsókn samkvæmt þeim fræðilegu vinnubrögðum sem fræðigreinin leggur áherslu á

Nemandi skal hafa öðlast þekkingu og skilning á:

  • aðferðafræði félagsfræðinnar
  • kenningum í félagsfræði
  • athyglisverðum og fordæmisgefandi rannsóknum fræðimanna greinarinnar
  • kerfisbundnu rannsóknarferli
  • hvernig samþætta megi ólík sjónarhorn í rannsóknarvinnu
  • fræðilegum vinnubrögðum
  • skýra hvernig hægt er að beita ólíkum kenningum og aðferðum og samþætta ólíkar kenningar og aðferðir

Nemandi skal hafa öðlast leikni í að:

  • lesa rannsóknir með gagnrýnu hugarfari
  • setja fram texta á fræðilegan hátt
  • skilja ólík sjónarhorn í aðferðafræði
  • samþætta ólík sjónarhorn í rannsóknarvinnu

Nemandi skal geta hagnýtt þá þekkingu og leikni sem hann hefur aflað sér til að:

  • skilja helstu aðferðir greinarinnar og nýta sér kenningar hennar í leik og starfi
  • beita gagnrýnni hugsun í fræðilegri umræðu sem og í almennri umræðu
  • skilgreina og skýra helstu hugtök greinarinnar
  • skilja kerfisbundið rannsóknarferli og gagnrýna rannsóknir annarra á faglegan og uppbyggjandi hátt