FÉLA3KS05 - Félagsfræði - Kenningar og samfélag

Undanfari : FÉLA2ES05
Í boði : Alltaf

Lýsing

Áfanginn byggir á grunnþekkingu nemenda í félagsfræði og veitir dýpri skilning á helstu kenningum greinarinnar: samvirknikenningum, átakakenningum og samskiptakenningum. Nemendur læra að tengja kenningarnar við samfélagsleg fyrirbæri og öðlast félagslegt innsæi til að greina tengsl persónulegra vandamála og samfélagslegra mynstra.
Lögð er áhersla á að greina hlutverk stofnana, félagslega lagskiptingu og hnattræn tengsl í samfélaginu. Nemendur beita félagsfræðilegri hugsun á raunverulegar aðstæður og dægurmenningu með það að markmiði efla gagnrýna hugsun og þróa lausnir við samfélagslegum áskorunum.

Nemandi skal hafa öðlast þekkingu og skilning á:

  • grunnatriðum félagsfræðinnar og hvernig félagsfræðileg hugsun hjálpar til við að skilja samfélagið
  • helstu kenningum félagsfræðinnar: samvirknikenningum, átakakenningum og samskiptakenningum
  • mikilvægi félagslegs innsæis t.d. eins og það er skilgreint af Charles Wright Mills
  • áhrifum félagslegra staðreynda, t.d. eins og Durkheim sýndi í rannsóknum sínum á sjálfsvígum
  • þróun félagsfræðinnar sem vísindagreinar og áhrifum samfélagslegra breytinga, t.d. iðnvæðingar og tæknibreytinga.
  • félagslegri lagskiptingu og mismunun, bæði á Íslandi og í alþjóðlegu samhengi
  • hnattrænni hugsun og hvernig samfélög tengjast á alþjóðlegum vettvangi
  • sjálfsmynd og sjálfstrausti í tengslum við félagslegt samhengi
  • kynhlutverkum og áhrifum þeirra á einstaklinga og samfélög
  • notkun félagsfræðilegra kenninga til að greina kvikmyndir og sjónvarpsþætti

Nemandi skal hafa öðlast leikni í að:

  • nota félagsfræðilegar kenningar til að greina samfélagsleg fyrirbæri
  • skilgreina og útskýra helstu hugtök félagsfræðinnar og tengja þau við raunveruleg dæmi
  • greina og skýra félagslegar staðreyndir og hvernig þær tengjast daglegu lífi
  • nota rannsóknaraðferðir félagsfræðinnar, bæði míkró- og makró-nálganir, til að skoða félagsleg fyrirbæri
  • greina hvernig sjálfsmynd og sjálfstraust mótast í gegnum samskipti og félagslegar aðstæður
  • greina áhrif kynhlutverka og staðalmynda í daglegu lífi og fjölmiðlum
  • skilja og útskýra hvernig hnattræn hugsun hefur áhrif á menningu, efnahag og samskipti á milli landa
  • nota félagsfræðilega kenninga eins og átakakenningar til að greina ójöfnuð og átök í kvikmyndum eða raunverulegum aðstæðum
  • útskýra hvernig samskipti móta félagslegar reglur og viðmið í mismunandi menningarheimum

Nemandi skal geta hagnýtt þá þekkingu og leikni sem hann hefur aflað sér til að:

  • nota félagsfræðilegt innsæi til að greina tengsl persónulegra vandamála og samfélagslegra þátta
  • skilja og útskýra hvernig félagslegar staðreyndir og kenningar móta samfélagið og daglegt líf
  • greina og leggja mat á ójöfnuð í mismunandi samfélögum, bæði á Íslandi og í alþjóðlegu samhengi
  • nota félagsfræðilegar kenningar til að skoða hvernig menning og samfélagsgerð mótar hegðun einstaklinga
  • beita gagnrýnni hugsun til að greina félagslegar goðsagnir, staðalmyndir og áhrif þeirra á sjálfsmynd og samfélag
  • beita félagsfræðilegum kenningum til að útskýra hvernig samskipti og félagsmótun móta sjálfsmynd og félagslega hegðun
  • skilja, greina og rökræða áhrif hnattrænnar hugsunar á daglegt líf og menningartengsl á milli landa
  • beita félagsfræðilegri þekkingu til að móta eigin skoðanir og leggja fram lausnir á félagslegum áskorunum