ESÞJ3VL05 - Einka- og styrktarþjálfun - Þjálfarinn og starfsumhverfið

Lýsing

Í þessum áfanga er fjallað um þætti einka- og styrktarþjálfarastarfsins sem snúa að samskiptum við skjólstæðinga, starfsvettvangi, og ímynd þjálfara. Starfsumhverfi einka- og styrktarþjálfara er kynnt fyrir nemendum þannig að þeir geri sér grein fyrir ólíkum áherslum innan þess. Farið er yfir viðeigandi framkomu einka- og styrktarþjálfara við skjólstæðinga sem og siðareglur þjálfara. Megin hluti áfangans er vettvangsnám þar sem nemendur þjálfa skjólstæðinga undir leiðsögn kennara. Nemendur öðlast því verklega færni í sjálfstæðum og faglegum vinnubrögðum við þjálfun og ráðleggingum til skjólstæðinga. Áætlaður tímafjöldi í vettvangsnámi er 75 klst.

Nemandi skal hafa öðlast þekkingu og skilning á:

• vinnuaðstæðum á heilsuræktarstöðvum og fjölbreyttu starfsumhverfi þjálfara
• störfum einka- og styrktarþjálfara og mikilvægi menntunar og framþróunnar innan greinarinnar
• vinnuvernd og mikilvægi öryggisferla á vinnustað
• mikilvægi þess að gæta þagmælsku, sýna ábyrgð og traust í samskiptum við skjólstæðinga
• siðareglum einka- og styrktarþjálfara
• hvað einkennir fyrirmyndar framkomu einka- og styrktarþjálfara
• viðeigandi samskiptareglum, líkamstjáningu og staðsetningu þjálfara m.t.t. skjólstæðings

Nemandi skal hafa öðlast leikni í að:

• tjá sig og útskýra þekkingu sína fyrir skjólstæðingum
• skipuleggja vinnu sína

Nemandi skal geta hagnýtt þá almennu þekkingu og leikni sem hann hefur aflað sér til að:

• meta hvenær þörf er á að vísa skjólstæðingum til læknis
• rökstyðja leiðbeiningar fyrir skjólstæðinga
• sýna skjólstæðingum skilning, aðgát og nærgætni
• starfa sjálfstætt og leggja mat á eigið vinnuframlag
• leggja mat á eigin líðan í starfi
• stýra þjálfun einstaklinga