ESÞJ3ÍS05 - Einka- og styrktarþjálfun - Íþróttameiðsli og sjúkdómar

Lýsing

Farið verður yfir helstu meiðsli sem upp geta komið hjá íþróttafólki við æfingar og keppni. Einnig verður farið í algeng stoðkerfisvandamál og ýmsa sjúkdóma meðal almennings, s.s. vefjagigt og þunglyndi, og jákvæð áhrif þjálfunar þar á. Farið verður í forvarnir og viðbrögð við íþróttameiðslum og hvenær vísa eigi skjólstæðingi til annarra fagaðila.

Nemandi skal hafa öðlast þekkingu og skilning á:

• helstu meiðslum sem verða við æfingar og keppni s.s. höfuðhögg, vöðvatognanir, beinbrot, liðhlaup og sinavandamál
• hvernig er best að bregðast við íþróttameiðslum
• helstu áhættuþáttum íþróttameiðsla
• meiðslahættu við einka- og styrktarþjálfun
• hlutverki einka- og styrktarþjálfunar sem forvörn við meiðslum og í endurhæfingu
• helstu álagsmeiðslum í þjálfun
• algengum stoðkerfisvandamálum meðal almennings s.s. brjósklos, slitgigt og axlamein
• jákvæðum áhrifum þjálfunar á ýmsa sjúkdóma s.s. vefjagigt, þunglyndi, kvíða og offitu
• þeim óvæntu aðstæðum sem geta komið upp við einka- og styrkarþjálfun s.s. áverkar, flogaköst, sykurfall o.þ.h.
• helsta hlutverki og takmörkunum teipinga
• áhrifum meiðsla á andlega heilsu íþróttafólks

Nemandi skal hafa öðlast leikni í að:

• beita fyrstu hjálp við meiðslum og þeim óvæntu aðstæðum sem geta komið upp við æfingar
• framkvæma öryggisathugun á æfingastað m.t.t. slysahættu
• framkvæma teipingar til að koma í veg fyrir frekari meiðsli hjá skjólstæðingi
• búa um áverkasvæði við skyndiáverka

Nemandi skal geta hagnýtt þá almennu þekkingu og leikni sem hann hefur aflað sér til að:

• gera sér grein fyrir hvenær vísa þarf skjólstæðingi í hendur annarra fagaðila
• gera sér grein fyrir ástandi skjólstæðings m.t.t. meiðsla og sjúkdóma og tengja við gerð þjálfunaráætlunar
• geri sér grein fyrir og geti rökstutt eigið val á teipingu og viðbrögðum við langvarandi meiðslum og óvæntum áverkum sem upp geta komið við þjálfun