ESÞJ3HS10 - Einka- og styrktarþjálfun - Hraða- og styrktarþjálfun

Lýsing

Í þessum áfanga verður farið í hvernig efla má hraða, sprengikraft og styrk íþróttafólks. Farið verður í tækni á þar til gerðum æfingum, þarfagreiningar, afkastagetumælingar og þjálfunaráætlanir. Farið verður yfir tækni í ólympískum lyftingum, kraftlyftingum, hraða og snerpuþjálfun og hvernig þessar æfingar geta nýst iðkendum í ólíkum íþróttagreinum.

Nemandi skal hafa öðlast þekkingu og skilning á:

• helstu hugtökum þjálffræðinnar sem tengjast styrktar- og hraðaþjálfun
• mismunandi kröfum sem ólíkar íþróttagreinar gera til líkamlegrar afkastagetu iðkenda
• þekki ólíkar æfingar tengdar styrktar- og hraðaþjálfun
• helstu aðferðum við afkastagetumælingar
• grundvallaratriðum við gerð þjálfunaráætlana

Nemandi skal hafa öðlast leikni í að:

• útbúa ólíkar þjálfunaráætlanir fyrir íþróttafólk
• miðla þekkingu varðandi framkvæmd æfinga
• framkvæma æfingar tengdar hraða- og styrktarþjálfun
• miðla upplýsingum um þjálfunaráætlanir til skjólstæðinga

Nemandi skal geta hagnýtt þá almennu þekkingu og leikni sem hann hefur aflað sér til að:

• útskýra og kenna æfingar tengdar styrktar- og hraðaþjálfun
• rökstyðja uppbyggingu þjálfunaráætlana
• gera sér grein fyrir ólíkum þörfum mismunandi íþróttagreina við gerð þjálfunaráætlana
• meta álag og umfang lyftingaþjálfunar
• tengja saman niðurstöður þarfagreininga og afkastagetumælinga við þjálfunaráætlanir
• gera sér grein fyrir heildarþjálfunarálagi á viðkomandi íþróttaiðkanda