ENSK3BK05 - Enska - Bresk og bandarísk menning

Lýsing

Nemendur fá innsýn í breska og bandaríska menningu með því að skoða sögu, menningu og stjórnskipun í Bretlandi og Bandríkjunum og lesa nemendur bókmenntaverk þaðan. Námið miðar að því að nemendur þjálfist í enskri tungu og bæti við orðaforða sinn og málskilning. Nemendur eru þjálfaðir í ritun enskrar tungu með skrifleg verkefni og vinna þýðingar yfir á ensku. Nemendur eru einnig þjálfaðir í töluðu máli, bæði með styttri umræðum á ensku og formlegum fyrirlestri á ensku um efni sem tengist breskri og/eða bandarískri menningu. Nemendur munu einnig nota Internetið sér til fróðleiks og efnisöflunar.

Nemandi skal hafa öðlast þekkingu og skilning á:

• sögu, menningu og stjórnskipun í Bretlandi og Bandaríkjunum
• völdum breskum og bandarískum bókmenntum
• þeirri notkun tungumálsins sem er nauðsynleg til að mæta hæfniviðmiðum þrepsins
• orðaforða sem gerir honum kleift að tileinka sér með góðu móti lesefni í áframhaldandi námi og starfi
• hefðum sem eiga við um talað og ritað mál í ensku

Nemandi skal hafa öðlast leikni í að:

• beita ritmáli í mismunandi tilgangi
• tjá sig um margvísleg málefni þar sem lögð er áhersla á færni í tungumálinu
• nýta tungumálið í almennum samræðum
• lesa texta sem gera miklar kröfur til lesandans, hvað varðar orðaforða, uppbyggingu og myndmál
• skilja almennt talað mál með mismunandi framburði
• skilja sérhæfða jafnt sem almenna texta um hinar ýmsu hliðar bresks og bandarísks mannlífs

Nemandi skal geta hagnýtt þá almennu þekkingu og leikni sem hann hefur aflað sér til að:

• skilja sér til gagns þegar fjallað er um fræðilegt efni sem tengist breskri og bandarískri menningu
• leggja gagnrýnið mat á texta
• hagnýta sér fræðitexta, myndefni og umræður um efni sem tengist Bretlandi og Bandaríkjunum
• beita málinu og taka þátt í umræðum um ýmis mál
• flytja vel uppbyggða frásögn, kynningu eða greinargerð og bregðast við fyrirspurnum
• beita rithefðum sem við eiga í textasmíð
• vinna úr heimildum og skrá þær viðurkenndan hátt
• skrifa gagnorðan, skilmerkilegan og vel uppbyggðan texta sem tekur mið af lesanda
• skrifa texta með röksemdafærslu
• tjá tilfinningar og nota hugarflugið í rituðu máli