ENSK1TL04 - Enska - Með áherslu á tónlist (ST)

Undanfari : Enginn
Í boði : Alltaf

Lýsing

Ný menntastefna er höfð til grundvallar og grunnþættir menntunar eru hafðir að leiðarljósi. Unnið verður með ensku í gegnum tónlist og dægurlagatexta. Áhersla verður á klassíska, popp- og rokktónlist í bland við það sem er vinsælast hverju sinni. Nemendur verða hvattir til að velta fyrir sér hvað textaskáldið er að segja í textunum. Nemendur bæta þannig jafnt og þétt við orðaforða og hugtakaskilning sinn.

Nemandi skal hafa öðlast þekkingu og skilning á:

  • hvaða sögu textaskáldin eru að miðla hverju sinni
  • að oft má tengja saman áhugamál og nám
  • sköpun í formi ljóðagerðar og textasmíðar

Nemandi skal hafa öðlast leikni í að:

  • hlusta á og vinna með mismunandi texta og ljóð
  • virða tónlistarsmekk annarra
  • átta sig á fjölbreytileika samfélagsins og mismunandi tegund tónlistar
  • taka þátt í umræðum

Nemandi skal geta hagnýtt þá þekkingu og leikni sem hann hefur aflað sér til að:

  • efla orðaforða sinn
  • átta sig á að margir textar hafa ákveðinn boðskap
  • spyrja spurninga og hlusta á það sem aðrir hafa áhuga á
  • láta skoðanir sínar í ljós

Áfangi á starfsbraut