EÐLI3VS05 - Eðlisfræði - Varmafræði og snúningur

Lýsing

Framhaldsáfangi í eðlisfræði. Efnisatriði: Hitakvarðar, RMS-hraði gassameinda, algengasti hraði, Maxwell-Boltzmann dreifing, kjörgasjafnan, varmi, eðlisvarmi, varmarýmd, fasaskiptavarmi, varmaleiðni, varmageislun, varmaflæði, hringhreyfing, miðsóknarhröðun, miðsóknarkraftur, skrens, massamiðja, hverfiþungi, hverfitregða, kraftvægi, varðveisla hverfiþunga, snúningsorka, þyngdarlögmálið, lögmál Keplers, þyngdarstöðuorka, þyngdarmætti og eldflaugar. Í áfanganum eru gerðar eðlisfræðitilraunir.

Nemandi skal hafa öðlast þekkingu og skilning á:

• tengslum hitastigs og hreyfingar sameinda
• eðlisvarma og fasaskiptavarma ólíkra efna
• lögmálum um varmaskipti
• leiðum varmaflæðis
• eiginleikum hringhreyfingar
• samspili miðsóknarkrafts og annarra krafta
• hverfitregðu, hverfiþunga og snúningsorku
• lögmáli þyngdarverkunar
• þriðja lögmáli Keplers
• þyngdarstöðuorku og orkuvarðveislu á sporbaug

Nemandi skal hafa öðlast leikni í að:

• finna lokahitastig í blöndu mismunandi efna við mismunandi hitastig í mismunandi fasa
• finna hitastig inni í efnishlut út frá mismunandi umhverfishitastigi
• beita orkuvarðveislu til að finna hraða á hringferli
• finna leyfilegan hraða í beygju út frá brautarhalla og veggripi
• nýta varðveislu hverfiþunga til að reikna snúning hluta með mismunandi lögun
• nýta þyngdarlögmálið og þriðja lögmál Keplers til að komast að upplýsingum um braut reikihnattar
• nýta orkuvarðveislu til að komast að upplýsingum um braut reikihnattar
• leiða út eðlisfræðilögmál með algebru, deildun, heildun og rökleiðslu

Nemandi skal geta hagnýtt þá almennu þekkingu og leikni sem hann hefur aflað sér til að:

• komast að tölulegum niðurstöðum um umhverfi sitt á grundvelli fyrirliggjandi gagna
• framkvæma verklegar æfingar í eðlisfræði og vinna úr þeim og útskýra niðurstöður þeirra
• afla gagna sjálfstætt um eðlisfræðilegt viðfangsefni á erlendu tungumáli og skilað skriflegri niðurstöðu
• tengja eðlisfræðina við daglegt líf og umhverfi og gera sér grein fyrir notagildi hennar