Sjúkraliðabraut 2016 (SJ16) - 200 ein.

Um brautina

Sjúkraliðanám er 200 eininga nám með námslok á 3. hæfniþrepi. Námið skiptist í almennar greinar, heilbrigðisgreinar og nám í sérgreinum sjúkraliðabrautar. Nám í sérgreinum sjúkraliðabrautar er bæði bóklegt og verklegt nám í skóla og starfsnám á heilbrigðisstofnunum. Sjúkraliðanám tekur að jafnaði 3 ár eða 6 annir. Tilgangur sjúkraliðanáms er að undirbúa nemendur undir krefjandi störf við hjúkrun, endurhæfingu og forvarnir bæði á heilbrigðisstofnunum og á heimilum fólks þar sem reynir mikið á samskiptafærni og siðferðisvitund starfsmanna. Í náminu er rík áhersla lögð á samvinnu við starfsfólk og stjórnendur í heilbrigðisþjónustu. Sjúkraliðanám getur verið góður grunnur fyrir frekara nám í heilbrigðisvísindum. Að lokinni brautskráningu frá skóla og starfsþjálfun getur nemandi sótt um löggildingu starfsheitis til Embættis landlæknis og öðlast þá réttindi til að starfa sem sjúkraliði á Íslandi. Starfsheitið sjúkraliði er lögverndað.

ATH: Til þess að fara í vinnustaðanám sem hefst á fjórðu önn þurfa nemendur að vera orðnir 18 ára.

Nánari upplýsingar um námsleiðina ásamt ítarlegri áfangalýsingum má nálgast á: https://namskra.is/programmes/ece90eec-2a51-40d4-98e3-b82ba5310dd2

Skipting á annir

Hugmynd að skiptingu námsgreina á annir.

Prentvæn útgáfa

PDF-skjal með Sjúkraliðabraut 2016 til að prenta út.