Virðing-Samvinna-Árangur

Read in english  EnglishVeftré - Skrifstofa

 

 

 

Veftré

Símasérsveit á Dimissio

DimissioV2017 Frett01Föstudaginn 28. apríl buðu væntanlegir útskriftarnemendur til hátíðar á sal þegar komið var að dimissio þessa önnina.

Þá kveður útskriftarhópurinn kennara og nemendur skólans með ýmis konar uppákomum. Að þessu sinn var hópurinn vígalegur að sjá enda búinn eins og sérsveitin í tilheyrandi vestum og með derhúfur.  Munurinn á þessari sérsveit og þeirri hjá lögreglunni var helstur að sérsveit útskriftarnemenda var meira í símanum...  Hópurinn var reyndar óvenjustór að þessu sinni og líklega var þetta fjölmennasta dimissio í sögu skólans.

Hópurinn byrjaði á því að skemmta samnemendum sínum á göngum og láta tónlist glymja á sal skólans. Síðan var boðið upp á morgunmat í mötuneytinu.  Það er orðin hefð fyrir því að á dimissio sé boðið upp á stuttmynd um lífið í skólanum en þar var sýnt frá kennslu í ýmsum greinum.  Myndin var skemmtileg og þar kom kanil-áskorun og grimmi áfangastjórinn við sögu ásamt fleirum.  Að lokinni kvikmyndasýningunni fór fram verðlaunaafhending en þar fékk útskriftarhópurinn langþráð tækifæri til að veita kennurum sínum viðurkenningar fyrir frammistöðu sína. Þar komu m.a. við sögu drottningin og kóngurinn, húmoristinn, töffarinn, vinkonan, teymið og fleira gott fólk.  Hápunkturinn var svo þegar besti kennarinn var valinn og varð Gunnlaugur Sigurðsson fyrir valinu að þessu sinni.

Um kvöldið var síðan hin svokallaða síðasta kvöldmáltíð en þá borða útskriftarnemendur og starfsfólk skólans saman og gera sér glaðan dag.

Hér er myndasafn frá Dimissio.

DimissioV2017 Frett02

DimissioV2017 Frett03

DimissioV2017 Frett04

 

 

Heilsueflandi  SFR2014  SFR2015  SFR2016  SFR2017