Virðing-Samvinna-Árangur

Read in english  EnglishVeftré - Skrifstofa

 

 

 

Starfshlaupið varð grænt

Starfshlaup2019 Frett5Föstudaginn 12. apríl fór Starfshlaup FS fram í 24. sinn en þessi keppni fór fyrst fram árið 1994.

Fyrir þá sem ekki þekkja starfshlaupið þá reyna nemendur með sér í n.k. boðhlaupi þar sem keppt er í flestum þeim námsgreinum sem kenndar eru við skólann auk ýmis konar þrauta.  Að þessu sinni kepptu fjögur lið í hlaupinu en í hverju liði eru nokkrir tugir keppenda.  Fyrir hverju liði fara nokkrir fyrirliðar sem koma úr hópi væntanlegra útskriftarnemenda.

Þó Starfshlaupið fari alltaf fram síðasta kennsludag fyrir páska er það farið að hafa nokkurn aðdraganda. Í ár var nokkrum sinnum keppt á sal í hádeginu síðustu vikurnar fyrir keppnina sjálfa. Þar var m.a. keppt í spurningakeppni, þrautakeppni og bekkpressu. Liðin taka stigin síðan með sér í sjálft Starfshlaupið. Alltaf verða einhverjar breytingar milli ára, einhverjar þrautir og greinar detta út og aðrar koma inn.

Keppnin sjálf byrjaði í Íþróttahúsinu þar sem keppt var í reiptogi, körfubolta, stultuhlaupi og fleiri greinum. Síðan var hjólað og hlaupið en að því loknu þeystu keppendur inn í skólann þar sem liðin hlupu milli kennslustofa og leystu verkefni auk þess að leysa ýmsar þrautir á göngum. Keppnin endaði síðan á sal þar sem liðin dönsuðu, léku o.fl. 

Eins og áður sagði var keppnin mjög jöfn að þessu sinni sem hefur reyndar verið raunin undanfarin ár. Að lokum fór svo að Græna liðið vann og hlaut Starfshlaupsbikarinn og pítsuveislu í verðlaun.

Umsjónarmenn Starfshlaupsins eru íþróttakennararnir Kristjana Hildur Gunnarsdóttir (Kiddý) og Andrés Þórarinn Eyjólfsson og eiga þau sannarlega hrós skilið fyrir skipulagningu og framkvæmd hlaupsins. Þá er ekki síður ástæða til að óska fyrirliðum allra liðanna til hamingju með frammistöðuna og þeirra vinnu. Síðast en ekki síst eru það auðvitað allir þátttakendur sem taka þátt í að gera þennan dag jafn skemmtilegan og hann er.

Við óskum sigurvegurunum til hamingju og öllum liðunum fyrir þátttökuna og drengilega keppni. Vonandi hafa svo allir farið ánægðir og glaðir í páskafríið og koma frískir til leiks eftir páska.

Í myndasafninu er veglegur myndapakki frá Starfshlaupinu.

Starfshlaup2019 Frett1

Starfshlaup2019 Frett2

Starfshlaup2019 Frett3

Starfshlaup2019 Frett4

 

 

 

 

 

 

                                               Heilsueflandi2019                         

                                   Erasmus
SFR2018 SFR2017 SFR2016 SFR2015 SFR2014